Konflager 2022

Klein war die Schar, aber oho, welche vom 4. - 8. Mai im Naturfreundehaus Beatenberg das diesjährige Konflager verbrachte. Fünf junge Frauen und zwei junge Männer sowie drei Personen vom Leitungsteam. Teilnehmerinnen und Teilnehmer berichten.

Mir hei üs am Mittwuch em 10 ab eis z Grüenematt troffe. Vo dert si mer näher mi dem Zug über Bigle nach Thun. Dert hei mir näher z Schiff gno, übere Thunersee id Beatebucht.

Nach dem des mer mid der Seilbahn dobe si acho, si mer dür ne stozige Wäg zum Naturfründehuus gloffe. Dert het üs scho d Celine fröidig erwartet. Si isch vom Blauechrüz u hed mit üs alkoholfreii Cocktails gmixed. Wow! Isch das fein gsi aber ou süess. Mir hoffe si isch gueet hei cho… Am nächschte Tag hei mir scho ahgfange üse Konfgottesdienst vorbereite und hei Musig gmacht. Wius ni so schöns Wätter isch gsi, si mer nur churz go loufe (u deu go jogge).

Em Friti morge hei mer enang mit em ne Tenisbau e Masage gäh. U de isch de ou d Sarah cho. Wes mau ni so schlächts Wätter isch gsi, hei mer dusse PingPöngeled. Es isch geng uh lustig gsi. Em Abe hei mir näher no der Fium fertig gluegt, wo mir scho em Donnsti abe hei agfange luege.

Em Samsti hei mir eigendli e Usflug ufs Niderhorn wöue mache u mit em Trottinet abe fahre. Wiu üs aber näher ds Wätter, mid em Näbu, het e Strich dür d Rächnig gmacht, si mer näher uf d Heimwehflue u si derd mi dem aute Seilbändli ufegfahre.

Mid der Rodubahn si mer näher zwöi Rundine gfahre. Em Abe hei mir d Toufi vor Sarah u Dinah gfiiret. Wiu ds Wätter sogar no schön isch worde, hei mir der churz Gottesdienst chönne dusse gniesse.

D Gotte vor Sarah u ou d Gotte u der Götti for Dinah hei mit üs gfiiret u hei näher no mit üs dr letscht Abe verbracht. Mir hei brätlet u näher no viu gsunge us zämme lustig gha. Speter am Abe wos neher dunku isch gsi, hei mir aui zämme e Fakuwanderig gmacht (glücklecher wiiis ohni das öppis ahzündet isch worde).

U nacher Rundi Dräie, si mer näher ou go schlafe. Em letschte Morge ischs drumm gange aues zämmezpacke und z putze. Wo aues zwäg isch gsi hei mer üs zrugg ufe Wäg gmacht für hei.

Mir hei zämme e cuuli u lustegi Wuche chönne verbringe!

#Brämsereiniger #Wow #Tschou Läbe #eine Dreie #Suiiiiii #eine uf Nussi #PingPong Profis #Pävus lache #Brooo #Rapunzel  lass dein Haar herunter #Achtung Hoger #Celine Outo #liebergottimhimmel

An Auffahrt, 26. Mai findet die KUW nun mit dem Konfgottesdienst in der Kirche Trachselwald ihren Abschluss. In der Konfzytig stellen sich die Jugendlichen vor.

zurück zur Liste

Pfarrer | Peter Schwab | Dorf 9 | 3456 Trachselwald | Telefon 034 431 11 52 | e-mail