Es isch am Abe vom glyche Tag gsi, em erschte vo der Wuche. Us Angscht vor de Jude hei d Jünger dert, wo sie si gsi, d Türe bschlosse. Da chunnt Jesus und steit zmitss i d Stube und seit ne: "I wünsche nech Fride!" Er seit's und zeigt ne syni Händ und sy Syte. Wo sie der Herr hei gseh, hei sich d Jünger gfröit. No einisch het Jesus zue n gseit: "I wünsche nech Fride! So wi der Vatter mi gschickt het, so schicken ig jitz öich."

Us der Guete Nachricht vom Johannes, Kapitel 21, Värse 19-21

Wär weiss, vilecht heit DIr ja i de nächschte Tage ou eso ne überraschendi Begägnig, mit eme Mönsch, eme Ängu oder sogar mit Gott säuber. Wie lutet der Uftrag, wo Dir überchömet?

Viu Säge, Muet und guets Glinge, wenn Dir dä de usfüeret!