- Home
- |
- Aktuell
- |
- News
- |
- Archiv Trachselwald
"Lueget doch d Lilie", 18. Mai
Scho letscht Wuche hei mer e Betrachtig gha zum ene Värs us der Bärgpredig. Im glyche Abschnitt steit no en angere ganz schöne Satz.
Lueget doch d Lilie uf der Matte, wi si wachse: Si wärche nid und spinne nid; aber i säge nech: Der Salomo i syr ganze Pracht hätti kenere vo de d Füeteri ggä!
Us der Guete NAchricht vom Matthäus, Kapitel 6, Värs 28
Öppis aluege, ganz genau, bedütet meischtens, chly neecher härega und zum Byspiel so ne Blueme im Detail aluege. Hütt mache mer das usnahmswys einisch umgekehrt, gö e Schritt zrugg und achten is uf d Umgäbig, wo die Iris drinne wachset und da chöi mer ganz öppis Ydrücklechs entdecke:
Gseht Dir d Söibluemebletter, rächts dernäbe? Ig ha se gmässe, ds einte isch 70 Santimeter und ds angere sogar 80! Nid schlächt, gäuet?