- Home
- |
- Aktuell
- |
- News
- |
- Archiv Trachselwald
E nöje Geischt, 30. Mai
E Tatbewys vo däm nöje Geischt wette mer hüt a Tag lege. Aui, wo im Dorflade VOLG im Thal gö ga ychoufe überchöme es feini Überraschig. Derzue verteile mer es Blatt mit eme bsinnleche Gedanke zu Pfingschte und en Aleitig, wie Dir - guet urchrischtlech - daheim im Kreis vo Öine Familie und Wohngmeinschafte chöit es Abedmahl fyre. Die Aktion leitet de nahtlos über in e letschti Rundi vo churze Sägensfyre vo Huus zu Huus. Mir starte am sächsi z Chramershus, zieh de taluswärts und uf die achti landet dä Abesäge de schliesslech vorlöifig i der Chiuche. Dert chöi mer der erscht Gottesdienscht syt bau dreine Mönet fyre. D Usschrybig derzue findet Dir uf der Startsyte vo der Homepage.
Das isch vorlöifig der letscht Newsartikel für die Corona-Zyt. Ig wünsche mir sehr, dass d Pfingschttube und der Abesäge guet chöi lande i üsere Chiuche und dert ihri Würkig chöi wyterentfalte. Ou ds Azünde vo der Gedänkcherze passiert am Sunntigabe ds letschte Mal.
Wyterhin allne gueti Gsundheit, e ghöregi Portion Geischtesgägewart, vieli schöni Begägnige, wo nach wie vor gilt: "Nid lahlah, gwinnt!"