"Grüess i der Bible" III, 9. November
D Maria isch tatsächlech schwanger worde. Die gueti Nachricht vom Lukas verzellt de wyter, dass sie während der Schwangerschaft e Bsuech by ihrere Verwandte Elisabeth gmacht het, im ene Stedtli im Bärgland vo Judäa.
Vo dert isch die bsungeri Gruessszene überliferet:
Si isch i ds Huus vom Zacharias cho und het d Elisabeth grüesst. Jitz, wo d Elisabeth der Gruess vo der Maria ghört, macht ds Chind i irem Lyb grad es Gümpli. Da isch d Elisabeth erfüllt worde vom heilige Geischt und het ganz lut grüeft: "Du bisch gsägnet, meh als alli Froue, und gsägnet isch ds Chind i dym Lyb! Wi chunnt's de, dass d Mueter vo mym Herr grad mir e Bsuech macht? Lue, won i dy Gruess ghört ha, het ds Chind i mym Lyb vor luter Fröid grad es Gümpli gmacht. O, bisch du glücklech, dass du grad hesch gloubt, dass sech alls erfüllt, wo dir Gott versproche het!"
Us der guete Nachricht vom Lukas, Kapitel 1, Värse 40-45
