Grad die Wuche hei äuä hüffe Brutpaar ihres Hochzyt planet gha. Da isch afe das luschtige Datum gsi, der 05. 05. 2020 und hüt jetz no der Muetertagssamschtig. Sie si nid die einzige, wo ihre grosse Tag hei müesse verschiebe, das isch scho paarne eso gange und wird äuä no paar Wuche eso blybe. All dene, wo das passiert isch, widmen ig die Gschicht und natürlech ou dene, wo scho ghürate si, es Jahr oder siebni oder wo die siuberigi oder sogar die guldegi Hochzst chöi fyre. Nid z vergässe die, wo ohni z hürate glücklech si zäme, überhoupt aui, wo gärn Gschichte lose.

Genau gseit handlet es sich um ene Liebesgschicht, nid e romantischi, ehnder chly e grobhölzegi oder wien es am Handwärch vo Salzme Hans entspricht, eini mit chly grob gnaglete Schueh, aber doch härzergryfend und z töifscht mitmönschlech. Möget Dir es Haubstüngli Zyt etmangle, de loset doch mau dry i die Gschicht!

Viu Vergnüege!