Kes Himelswäse isch wi du, Herr, und nüüt glychet däm, wo du erschaffe hesch.

Alli Völker, wo du gmacht hesch, chömen einisch, Herr: Si verböige sich vor dir und gäbe dir d Ehr.

Du bisch gross, und du tuesch Wunder, du alleini bisch Gott.

Zeig mer dy Wäg, Herr, dass ig my Wäg finde i der Tröiji zu dir.

Lehr mys Härz numen eis: Ehrfurcht ha vor dym Name.

I wott di lobe, Herr, vo ganzem Härz und dym Name d Ehr gä uf ewig,

wil dy Güeti gross isch für mi.

Du hesch mys Läbe grettet us em tiefschte Toterych. ... 

Du, Herr, bisch e gnädige und barmhärzige Gott, 

du hesch e längen Ate und bisch gross a Güeti und Tröji.

Psalm 86,8-13.15 na der bärndütsche Übersetzig