Wasser, so hei mer i der KUW 3 beobachtet und disktutiert cha i ganz ungerschiedleche Forme ufträtte. Eso äbe zum Byspiel ou wie hie uf däm Bild.

Es isch der Künschtler namens "Näbel" gsi, wo das Kunschtwärch fertig bbracht het. Über Nacht het sich das Spinelenetz mit Biecht beschlage. Passend derzue der Värs us Psalm 104, Värs 24

Herr, was hesch du alles erschaffe! Mit dyre Wysheit hesch du alles gmacht, vo dyne Gschöpf isch d Ärde voll.

Auso alles angere, als es Gnuusch im Fadechörbli! Süsch luegit no chly gnauer häre:

Wie versproche verraten ig Euch no, wenn, wo und wie Dir der Gottesdienscht vo de Dritteler chöit luege: Mir hei ne geschter Frytig im Predigtsaal ufgno. Hüt Abe stellen ig der Film de uf Youtube und ab morn Morge finget Dir der Link derzue uf der Homepage vo üsere Chiuchgmeind. Ig gloub mir dörfe säge, es isch fasch son es filigrans Kunschtwärk entstande wie das Biechtspinnelenetz!

Übrigens gönge mir am Sunntigmorge de no mit em KUW-Säge vo Huus zu Huus und bsueche d Ching grüppeliwys daheime, falls mir enang ämu de im Näbu finge ...